二萬五千張bcdc coupons在今天過期，不過心內知道依規舉再買coupons去延長其生命都係冇用，下個月嘅今日，仍然是會有二萬五千張未用...
因為無論你做乜，每日仍然只得廿四小時，時間仍然係單向，太子外面仍有很多要去的地方；所以如果上個月用唔晒，今個月都會係一樣。
因此今日決定做個聰明人，留在家中好好休息。
聲都沙了兩星期多，再唔理，我對唔住自己。
(同埋... 冇返屋企食飯兩星期多，再唔chi吓家，阿媽應該係會由九樓推我落街。)
關上房門，對住自己間房，望着自己堆mess，終於有厭惡的感覺！好，決定由衣服入手...
永遠唔知點解，衫明明是自己在不久之前挑的，但總是只會穿最近買的二至三件，口味不是真的轉得哪那麽快罷。看著那堆被冷落的tee，一邊思索究竟我唔鐘意佢地啲乜野，hmmm應該有三大原因：
1) 衫身太長(i am one無敵短腰怪)
2) short sleeves個袖太長，好man (試想想... 柯德莉夏萍又怎會穿這樣的衣服呢？嘩卡卡卡...)
3) 領太細，又係好man (這樣是拿不到淑女勳章的啊！)
於是把心一橫，拿出剪刀，決定積極地正面地去解決呢個問題!
Diagram 1. 唔要你地!
Diagram 2. 一共向這八件tee開刀
Diagram 3. 製成品!留意雞奕袖...和"跌膊-able"大領口!
很empowering的一個運動，因為剪刀下，每一剪都是一個決定:
順我意的留，逆我意的走！爽晒！
3 comments:
順我意的留，逆我意的走！偶像, 你永遠是我的偶像!
有新性感運動衣趁你美好身段! 唔怪之死都要星期四上課! 哇哈哈~
你終於都狠心地落了手! 好!做得好!
咁你下次記住唔好買咁貴既tee啦~
8 TEEs!!!!!!! I thought you wanna operate on 3!!! Good job Diane Yeung~~~~~
So will you still go to BCDC?????????????? *worried* *sum faan* *bao cho*
Post a Comment